My Confession: My neighbour is the community laughing stock

STAR, mi say me have a neighbour deh, she no mek normal at all. She make some decisions inna life and me haffi wonda if a fool she fool so, or maybe she mad.

She run weh from har mother house to live with man since she was 13. Now she a 23 and has a little girl for him. Because she get pregnant before time, she neva get fi finish school, so you know she nuh have a steady job. She basically hustle fi a living.

The man waaaay older than her. People used to ask if he is her grandfather because him not even have teeth inna him mouth. To make matters worse, him nuh really have a good job either. Him work a minimum wage job, so he doesn't have anything to offer her, financial- wise. So because of dem things deh, people always laugh afta har.

A next thing mek people eva laugh afta her is because she love nuff up herself and gwaan like she look good, but she shape like inverted pyramid wid her two long down breast, flat bottom and mawga foot. She nuh matter that still because she say she hot like 10 fireside. Every pan a knock, she present and early.

All of a sudden she claim say she wants to live a Godly life and leave dutty ways behind. She go get baptised but still a live with the man, so people still a laugh afta her.

Because the church people dem start throw word pan har, she decide fi mek things right! She take up every last dime she have inna her name and go buy engagement ring and propose to the man!

Woooii! Mi hear say the man say, "If me did waa marry you, me wudda do it long time."

A dat a di talk of the town right now.